Wednesday, March 1, 2006

Mamahalin mo pa rin ba ako?

…kahit hindi maganda ang mga mata ko?
…kahit hindi matangos ang ilong ko?
…kahit hindi ako kaaya ayang pagmasdan?
…kahit maputi ako?
…kahit mataba pa rin ako?
…kahit long hair na ako ulit?
…kahit nakangiwi ako pag nagssmile?
…kahit baduy ang suot ko?
…kahit hindi ako nagtapos sa magandang paaralan?
…kahit mababa lang ang posisyon ko sa trabaho?
…kahit hindi perpekto ang pamilya ko?
…kahit walang laman ang bulsa ko?
…kahit wala akong trabaho?
…kahit amoy pawis na ako?
…kahit may muta ako sa mga mata?
…kahit panis ang laway ko sa paghalik mo sa akin sa umaga?
…kahit malakas akong mag-burp?
…kahit napakabaho ng utot ko?
…kahit hindi ako marunong tumawid sa kalsada?
…kahit wala akong alam sa direksyon?

Mamahalin mo pa rin ba ako?

…kung hindi ako ang unang nag-fall sa yo?
…kung hindi ako nagpapakitang gusto din kita?
…kung hindi ako nagmamasweet sa yo?
…kung hindi ako nagkukusang gumawa ng paraan magkita lang tayo?
…kung hindi ako mabait?
…kung wala akong pangarap sa buhay?
…kung hindi ako marunong mag-express ng sarili ko?
…kung manhid ako sa mga ginagawa mo para sumaya lang ako?
…kung hindi ako iyakin?

Mamahalin mo pa rin ba ako, Lord, kahit ganito lang ako, at ito lang ang kaya kong ibigay muna sa Iyo?